Me har oppretta valestiftinga med sikte på å bevara, utvikla og gjera oss stolte over det me har. I tillegg har me ambisjonar om å fokusera på kultur, eigenart og historia til krins og folk.
Me engasjerer oss i historieforteljing, kaien og bua, gamle kraftstasjonen, postvegen, sjukehusmuseet, gamle ord frå krinsen. -det er mangt å ta av !
Me nærmar oss 10 år, og bakgrunnen for at me finst, finn me i den store helsereforma, med innføring av helseforetak. Hordaland fylkeskommune hadde før eigt sjukehus og den store gardseigedomen, men foretaket var ikkje interessert i denne. Såleis vart indre del av eigedomen, Søsterheimen til Ekely, skilt ut til foretaket. Fleire andre bygningar var i Fylkeskommunen si eiga, men det fanst ikkje bruksområde for desse der.
For at desse ikkje skulle 'gå i hundane' har valestiftinga overteke dei.
Me begynte med dugnadar på kaien, me skifta bordkledning og kaidekke, ein annan gjeng gjekk i gong med å gjera postvegen open og tilgjengeleg for ålmenta, og så var me igang ... De kan få eit godt overblikk over innsats og framdrift gjennom å lesa årsmeldingane, som er plassert i stolpen til venstre. (.pdf) (For å lesa desse trengst acrobat reader, som du evt lastar ned her

Me har hatt nokre årlege aksjonar for å skaffa oss midlar, blant desse har Reidar laga vedlagde Galtebrev (trykk for å forstørra). I tida framover vil meir av valestiftinga sine gjeremål bli referert her.

       

Protokoll / referat frå stiftingsmøte i Valestiftinga           Valen 24.02.04

                                                                                 

Stiftingsmøte vart helde på Valen bygdahus mandag 23.02.04 kl 19.00 etter innkalling gjennom lokalpressa i avisa Kvinnheringen fredag 20.02, samt ved oppslag på nærbutikken.

Til stades

Stiftingsmøte var ope for bygdafolk frå Valen skulekrins og 23 møtte, j.f.r. underteikna stiftingsprotokoll.

Innleiingsvis vart det valgt møteleiar, Arnfinn Mølster og protokollførar, underteikna.

Saksliste

·         Orientering / status om føremål og aktuelle prosjekt for stiftinga, v. underteikna.

·         Kva er ei stifting, rettar, pliktar og organisasjonsform v. Synnøve Handeland.

·         Pause og spørsmålsrunde.

·         Gjennomføring av stiftingsmøte i samsvar med retningslinene.

Gjennomføring av stiftingsmøte

·         Stiftingsmøte vart gjennomført under leiing av Synnøve Handeland og en gjekk punktvis i gjennom alle punkt som fortløpande vart nedteikna i Stiftingsdokumentet.

·         Stiftinga sitt føremål vart vedteke som føreslege med ei presisering i høve til at geografisk virkeområde skal vera noverande Valen skulekrins, ikkje Valebygda som det opphaveleg var gjort framlegg om.

·         Grunnkapitalen er Valekaien og Sjøbuo som er overdradd vederlagsfritt frå Hordaland fylkeskommune, verdsatt til kr 100.000.

·         Styret skal bestå av minimum 5 medlemmar, av desse minimum 3/5 frå Valen skulekrins. Styret vart samansett etter framlegget frå interimstyret med personlege varamenn for første styreperiode, men med høve til endring til nummererte varamenn på første årsmøte når / dersom dette er ønskeleg.

·         Stiftinga sitt navn er Valestiftinga, adresse ved styreleiar.

·         Styret vert valgt for 4 år, men halvparten av styremedlemma sit i 2 år i første periode for å sikra kontinuitet.

·         Styret konstituerer seg sjølv etter kvart val også første gongen.

·         Årsmøte er myndige innbyggjarar i Valen skulekrins. Kommune og fylkerepresentantar kan stille med møte og talerett.

·         Til årsmøte skal det leggjast fram årsberetning og rekneskap som skal sendast inn til stiftelsestilsynet.

·         Årsmøte skal føre tilsyn med stiftinga si verksemd og gi uttale om rekneskapen og kan og beslutte gransking dersom det er naudsynt.

·         Årsmøte skal og velja nye medlem til styret og fastsetja eventuell godtgjersle.

·         Årsmøte skal haldast årleg innan utgongen av mars.

·         Ved oppløysing av stiftinga skal stiftinga sine midlar og aktiva tilfalla Kvinnherad kommune og i størst mogleg grad nyttast til stiftinga sitt opphavelege føremål.

For øvrige detaljar vert det vist til stiftingsdokumentet.